En tempos das revoltas irmandiñas, a vida non era doada para a xente do común. A protagonista decátase da inxusta realidade ao ver en perigo a súa familia e decide emprender un arriscado percorrido na procura da liberdade dos seus seres queridos. A adversidade, a fatiga, os medos e as doenzas non impiden que siga adiante e se mergulle nunha apaixonante aventura. A narración mestura acción, drama, amor e toques humorísticos nunha historia que viaxa polo Camiño de Santiago.
Anxela Loureiro
Ánxela Loureiro (Ánxela Loureiro Fernández) é profesora de Educación Primaria, especializada en música. A súa afección pola música levouna a formar parte do grupo folc saraibas como solista e participar na cinta casete Cancións para o ano (Xerais 1995). Traballa como investigadora na recuperación dos xogos tradicionais dende a escola. Iniciou a súa actividade como creadora en 1978 coa obra de teatro ¡Ollo hai lurpios na horta!, que acadou o premio de teatro Infantil do Ateneo Ferrolán. Publicou as seguintes obras de literatura infantil: Viaxe de ida e volta (Xerais 1996); Laia, a nena da illa (Xerais 1998); Camiño perigoso (Xerais 2002), novela, finalista do Premio Merlín 2002 e Ota quere voar (Xerais, 2003), conto, Premio Lecturas Galix, 2005 (de 8 a 10 anos), Premio Literario Frei Martín Sarmiento, 2004 (de 8 a 10 anos).
Ver ficha de Anxela Loureiro »
